Бо Қарори Ҳукумати Ҷумҳурии Тоҷикистон аз 2 июли соли 2015, №425 Консепсияи расонидани ёрии ҳуқуқӣ ройгон дар Ҷумҳурии Тоҷикистон (минбаъд Консепсия) тасдиқ карда шуд, ки ҳадафи он фароҳам овардани заминаи рушд ва такмили минбаъдаи низоми давлатии дастрасии ройгон ва соҳибихтисоси ҳуқуқӣ ба аҳолӣ мебошад. Татбиқи Консепсия санҷиш ва рушди системаи ройгони идоракунии кӯмаки ҳуқуқӣ ва озмоиши моделҳои гуногуни онро пешбинӣ мекунад.
Аз 25 то 27 августи соли 2020, дар доираи лоиҳаи «Дастрасӣ ба адолат» Филиали Ассотсиатсияи «ХЕЛВЕТАС Свисс Интеркооперейшн» бо мақсади мустаҳкам намудани дониш ва малакаи ҳуқуқшиносони Муассисаи давлатии «Маркази ёрии ҳуқуқӣ» тренингҳои серӯзаро оид ба ҳуқуқи гражданӣ ва оила ташкил намуд.
Ба омӯзиш мутахассисони дорои таҷрибаи бисёрсолаи назариявӣ ва амалӣ дар соҳаи ҳуқуқи гражданӣ ва оила ҷалб карда шуданд. Дар ҷараёни ин тренинг, ҳуқуқшиносони давлатӣ таҷриба ва мушкилоти ҳуқуқии дар байни аҳолӣ зуд-зуд ба миён омадаистодаро нақл карданд. Ҳангоми муҳокимаи ин масъалаҳо, коршиносон таҷриба ва дониши худро дар ҳалли баъзе масъалаҳои ҳуқуқи ба ҳуқуқшиносони давлатӣ мубодила карданд.