Question 1

Ворис (меросгиранда) кист?

helvetas · Accepted Answer

Ворисон тибқи васиятнома ё аз рўи қонун шаҳрвандони дар лаҳзаи кушодани мерос зинда ва кўдакони ҳангоми зинда будани меросгузор дар батни модар ва баъди кушодани мерос, зинда таваллудшуда буда метавонанд. Инчунин тибқи васиятнома мумкин аст, шахсони ҳуқуқӣ ва давлат низ ворис бошанд.

Question 2

Ҳиссаи заношўӣ чист?

Маъмурияти сомона · Accepted Answer

Ҳисса дар моликияти умумии муштараки зану шавҳар (ҳиссаи заношўӣ) дар он ҳолат ба вуҷуд меояд, агар амвол дар давраи заношўӣ ба даст оварда шуда бошад ва бо созишнома байни онҳо (аҳдномаи никоҳ) тартиби дигар нисбати амволи мазкур пешбинӣ нашуда бошад. Дар ин ҳолат ҳатто кор накардани яке аз ҳамсарон, ки масалан бо корҳои ҳоҷагӣ (хона) машғул буд, аҳамият надорад.

Амволе, ки аз ҷониби яке аз ҳамсарон ҳамчун моликияти шахсӣ ба даст оварда шудааст (масалан, ба мерос ё ҳамчун ҳадя қабул карда шудааст) моликияти умумии муштараки зану шавҳар ба ҳисоб намеравад.

Question 3

Мард метавонад ду зан гирад?

Маъмурияти сомона · Accepted Answer

Мувофики модаи 170 Конуни Граждании  Чумхурии Точикистон мард пешбурди хочаги дори яъне зиндагиро бо ду ва зиеда занро надорад. Да вакти маълум гардидани чунин чиноят мард аз 1000 то 2000 сомони чарима мешавад ё ба мухлати 2- сол ба корхои ислохии мачбури кашида мешавад.

Question 4

Меросгузор кист?

helvetas · Accepted Answer

Меросгузор – ин шахси воқеии вафоткарда мебошад, ки моликият молу мулки ў ба мерос мегузарад.

Question 5

То чан солаги бояд алимент супорида шавад ва агар насупорад чи кор мешавад?

Маъмурияти сомона · Accepted Answer

Дар асоси талаботи м.80 Кодекси оилаи ҶТ волидон вазифадоранд фарзандони ноболиғи худро таъмин намоянд.  Мутобиқи муқаррароти м.22 Кодекси граждании ҶТ синни балоғат ҳаждаҳсолагӣ муайян карда шудааст.  Агар волидон фарзандони ноболиғи худро таъмин накунанд маблағ барои таъмини онҳо алимент бо тартиби судӣ то ба синни балоғат, яъне ҳаждаҳсолагӣ ситонида мешавад.  Ба ғайр аз ин дар асоси талаботи м.85 КО ҶТ волидон вазифадоранд фарзандони болиғи ғайри қобили меҳнати ба кӯмак эҳтиёҷманди худро таъмин намоянд. Бадқасдона, яъне бидуни сабабҳои узрнок бештар аз се моҳ саркашӣ намудани падару модар аз иҷрои қарори суд оид ба пардохти маблағ барои таъминоти фарзандони ноболиғ, ҳамчунин фарзандони ғайри қобили меҳнат, ки синнашон ба ҳаждаҳсолагњ расидааст боиси ҷавобгарии ҷиноятии пешбининамудаи м.177 Кодекси ҷиноятии ҶТ мегардад.